奶貓手腳紫黑

事源:

四隻貓生於11月10日，係準備去cccp既貓所生。
義工回家發現暫放等絕育既浪貓生咗四隻貓bb，但只除去胎盤，無清潔亦無餵奶。
四隻貓BB處於濕透下等死，而且當時發現三色貓既一對腳係發紫色。(紅色毛巾就係初生，三色妹發現紫色腳)

出世第二日，其他3隻貓貓腳同樣出現紫黑，三色妹連手同尾都黑埋。

四隻貓BB都有手腳發紫發黑問題，我只能救回三隻。
其實三色妹妹如果唔係黃膽問題，我都幾肯定佢一定過倒這關。

講講點解佢地會變紫黑色手腳

例如血栓塞喺四肢任一肢體，都會令嗰隻手或腳變深紅再而變紫。
紫到一個點就會最盡頭位置發黑後壞死，所以一但發現寵物爬唔郁，開始變深紅梗係急症啦。

當然會有醫生唔理經驗遇過幾多次，或根本無經驗，話要驗一大輪先話你知係血栓塞，再進行治療。

收貓經過

下午3點，我有cccp義工話家中屋外等去愛協既貓前一日生了，回家見到四隻濕淋淋血貓BB，已即時用風筒吹乾。

貓BB放埋貓媽度，貓媽肚皮貼地唔餵，已做保暖，針筒每餐喂倒3ml。

OS: 嘩！正呀義工咁堅，啱啱出世針筒都餵倒3ml一餐，我都唔得喎，想請對方再湊幾日先啦，我呢幾日好忙成日出去，好難帶住。
點知對方要返工、想盡快搵人接手喎，咁好啦，我做完嘢9點幾回來就接啦。

結果一見到貓BB們，對腳又紅又紫，肚皮唔飽滿都都無飲到3ml奶一餐。
重點，原來佢地已用暖風機吹咗24小時，奶貓們嚴重，脫水, 重要係極低溫。

係車上太貼近強力暖包過高溫令貓BB們高聲怪叫，到我手已經無聲無氣郁都無力。(直到過倒72小時放尿先有氣力叫。)

咁再問返義工幾時紅到紫啦?
佢就話三色一見倒就紫了，另外三隻第二日開始越來越紫。

OS: 唔係掛！紫到黑仲要水腫埋啦喎，咁唔正常咁唔合常理都唔同我講？
講咗我知我就會掉晒所有工作都接咗先。

治療經過

先試奶貓能否飲1-2ml奶。
每隻用飛機仔幼針喺頸背打2.5ml皮下水。
(有托媽問過奶貓能打水嗎？奶貓脫水比成貓死快100倍。答完)

再取一支幼針(記住係幼！圓形一盒針最外圍短幼針)消毒支銀針, 用火機燒一燒針頭。
再按貓BB腳尾等最嚴重位置(即腫到帶紫的位)刺入肉，連同水泡一同刺穿。
類似驗血糖咁，小心唔好插倒骨。用綿花輕按壓傷口，要有血出，水泡水要按出晒血水。
如是者一隻腳有兩隻腳指進入深紫腫起就做晒兩隻腳指，一定要放倒幾滴血出嚟先算數。

第二日仲有腳指係腫起, 就做多次。
跟住消毒傷口，一般火酒或黃藥水都唔啱用，要用有持續性既消炎藥膏。
之前三色妹咁嚴重都係兩日，每日落過一次針喺嚴重既腳指同尾部先攪掂。

注意!!  注意!!
因為幼針放血同水泡針係好快埋口，但火酒等消毒係揮發後就無殺菌力。
如穿了既水泡內含菌會引致發炎，再加多個發燒就會暈低了。
如細菌入血引致埋敗血病, 咁就白費氣力了。
(清爽能吸收消炎膏我都有，托媽們如需要急需用，半夜搵我都應機既。)

後續救治

血流動咁差，血液除咗難流到腳同尾外，胃亦因血氣不足而難以消化，貓BB就會越食越少。
正所謂：血脈不通，五臟不全。

而且奶貓栓塞到四肢了，只能用5A通返血脈。
(你問我用其他魚油得唔得，平常就你喜歡啦。 今次唔得呀, 得5A通得返咋～～～)
因為一般魚油要消化完，吸收去到肝狀先能轉化成5A油去通血管，佢地血壓流動同吸收都咁差，救得佢地就唔好救一半。

而且5A未落胃，身體已能吸收即時使用，即係貓BB未識吞落肚，入到口中10秒內已能進行工作了。

Day1-3；救緊佢地時，我隔餐就用一粒分四份，即係每隻貓全日用咗一粒5A。
Day 4之後：一粒5A分俾三隻食，每日食一次就夠了。

所以好幾次有人問我，餵咗食姬松茸加5A果然病好得好快，可唔可以食重手啲早晚半粒呀？
係得既，但我鼓勵身體調理唔好太急進囉。

當然有人問點解唔睇醫生，所以我先話呢篇文章係俾cccp義工同托媽睇，只有佢地先明，西醫幫我地唔倒。

🧨點令佢停止壞死？
🧨點令佢血液流動返？
🧨點令佢能夠自己回溫？
🧨點令佢唔會出現敗血病？

呢啲係我哋托媽最緊急要做既事，而唔係去試邊個醫生識醫呢啲問題，試得嚟都死鬼晒啦。
你地唔會理解我哋暫托媽自己努力賺錢，真金白銀帶去睇奶貓係睇幾多次，死幾多隻先練得出今日既功力。
(好可惜三色妹第二日下腹表皮都發黃，我暫時未搵倒治療咁細隻既黃膽藥。)

香港獸醫係天價，閒閒地睇下就燒半份人工，都話無得救嗰種心情係一般人唔會明。
(或者出完呢篇文章，醫生會突然識醫，咁燒錢都燒得值啲)

估計四隻貓BB就係無清走粘液引起缺氧血栓塞等問題。
相中三色妹喺我收到時，前雙腳開始進入紫色，後雙腳膝下全紫，有四隻腳指完全發黑，條尾全紫，有四份一已黑、我知我只需阻止佢再紫黑下去，壞死既尾部會甩走。

腳指仲有反應，即是近表皮既血管全壞了，但骨骼神經無事、一定能結疤進行新陳代謝甩走壞死咗既皮肉。

其他案例

其他案例1:
我8年前遇到一個貓友、佢隻貓腳仔受傷，喺診所包扎，點知診所扎得太實，佢兩日後去覆診拆彈力沙布，先發現腳已發紫發黑，要緊急手術變成一隻三腳貓。

當然嗰刻如果唔做手術，就有機會壞死更多位置，主人為保主子性命係無得選擇。
事後話因為受傷腳發炎引起腳發紫黑，連流濃流血都冇無，就直接壞死了一隻腳又真都吹佢唔脹。

其他案例2:
其實奶貓腳指頭輕微發黑發紫，我有遇過一次， ( 估計係出世前或後缺氧，難產死胎BB一出世已經桃紅帶紫，如出世無盡快除去胎盤包衣，或媽媽無清潔BB臉上的粘液，就會難呼吸而引起血栓及腦缺氧等問題)。

黑咗既腳指頭肉會隨住長大更新， 就好似結疤一樣甩掉，長出新皮肉，所以盡快阻止佢更多壞死出現就能成功。