貓傳染性腹膜炎(FIP)

第一章

喵師奶面對FIP的歷程和發病率

FIP⋯
嗰兩年每當等領養既貓貓，或者已被領領回家享福既貓貓一發病，都係無一生還⋯⋯

2012年 – 每10隻貓就會有1隻喺一歲前發FIP
2013年 – 每10隻貓就有1.4隻發FIP，因為加入埋2012年已領養，而喺2歲前發病的

病發率：
有人話係壓力、搬屋、同胎、先天等等不同因素提高呢個病既病發率。
統計咗被領養2年既貓貓，200幾隻貓去咗不同家庭，只得出病發原因係講唔定的。

搬屋而病 病發率係0%
主人加貓或主人對待態度轉變，病發有一隻。

同胎既2隻貓去咗不同既家，有機會兩隻都病發FIP。
同胎既3隻貓去咗同一個家，2隻出現FIP (因同胎3隻同時被領養去同一個家既機會少, 所以只發生過一次)。

同胎既2隻貓去咗同一個家，同時死於FIP病發率有50%(同一個家，一隻爆發，另一隻都好易中招)。
不同胎既3隻貓去咗同一個家，都一樣有機會3隻同期死於FIP。

總結
同屋既貓一但有一隻爆發FIP，同屋既貓遲一步病發機率係50%
(指兩歲前既貓,，兩歲後既成貓不在病發率內)。

第二章

說說醫生說我知+網絡上尋搜的

2012年係第一次喺醫生度聽見腹膜炎FIP呢個病，並唔知道會等同話我知，貓貓命喺2個月內就會上彩虹橋。

醫生會講既一啲字眼：

冠狀病毒引發FIP、濕性腹膜、腹水、乾性腹膜、造唔倒血、黃膽、白血球超高、腸炎便便爛、喺恐龍骨已能摸到屁股骨、食唔倒野餵食、食補血丸、營養膏、傳染、隔離、FIP快速測試(準確度非100%)、化驗所測試(等一星期準確好多)、抽腹水(我係反對對抽腹水的，每次抽腹水，貓貓命未試過超過2星期)

後來，我同三間診所，三位醫生都好熟，佢地都對我講，快速測試無咩用，呢個星期驗無事，下星期驗又可以有事啵。

之後又傳聞其中兩位醫生有醫好過FIP，我就厚住臉皮去問咗佢地，雖然貓貓明唔係睇呢個病都照問。
兩位當時都答我無醫好過，只係乾性由病發到死亡最長試過係9個月。
當時2013年年中，濕性都只拖得2至3個月，而且主人係有用中藥幫手，不係只用西藥。

當時既其中一隻貓，係試一種新藥刺激骨髓生出抗體打仗。
而另一隻貓用既方法，好似係用一種食既藥水注射，而且唔係每隻貓都能夠拖長生命，要睇本身貓體被病毒攻擊既位置，是否短時間取命既位置。

依家係2015年，有無新藥治療我唔知道。

網上搜尋FIP的結果:

醫生說的一定會有, 但會多了一些對我來說有用的資料
FIP中文釋名加入抗體字眼, 中藥去腹水, 維他命, 做血丸, 防衛牆, 守衛, 引爆, 倒塞血管, 一兩篇說中藥成功醫治FIP的案例。
長話短說, 就是同FIP的交戰不再是遇上時正面打仗, 是不給FIP爆發的機會。
第四章會講到如何減低FIP爆發機會。

第三章

中西合壁與FIP 正面交戰

我地都試過中西合壁既醫治。
中藥排水、中藥食完幾個鐘又食西藥、幾個鐘又食維他命⋯⋯
又試靈芝、雲芝？黑酵母⋯⋯

去到有家長試埋對抗人既冠狀病毒，即係沙士時期用黎醫沙士既藥都試埋，萬份之一既機會我地都唔放過。

2014年，貓友問我知唔知另一個國家有隻新藥，嗰個人話有人醫好佢貓貓既FIP，嗰隻藥香港無，代理，我就一樣搵人帶返香港試⋯⋯

西醫既藥主要開干擾素、抗生素同一啲營養品，補血等等。
我們只能用中藥排走呢啲廢料，盡快用大量維他命同保健品，建立返城牆。
造血丸幫助生產血液，先能夠令細胞可以生長分裂，要少食多餐營養食物等身體基能運作下去⋯⋯

第四章

如何減低FIP爆發機會

MeowC9 對FIP的結論:
FIP抗體先天就隱藏喺貓體，冠狀病毒存在於空氣，由主人帶入屋等等。

呢種冠狀病毒對人係沒反應的，但呢種型號既冠狀病毒喺貓貓身上出現，最早病徵會係傷風，便便少少爛，輕微發燒。

如果貓貓本身的抵抗病毒的士兵夠強壯, 同本身的抵抗城牆夠厚就高, 就算抵抗士兵死一些唔太夠打, 主人發現起傷風拿拿聲比藥貓貓食, 城牆不倒下, 士兵夠氣夠力分裂出來再打這冠狀病毒是不會有事的.

如果爆FIP再全屋消毒，掉晒貓用品，重新再買都會有50%爆發率出現，因為傳開既唔係FIP，而係一早入室既冠狀病毒。

貓貓抗體都打敗仗，保護既城牆亦倒下了，FIP就會掉出手榴彈同冠狀病毒同歸於盡。

呢個手榴彈非同小可，可以倒塞血液，塞住小腸吸收力，塞住身體排出廢水既能力，塞住供血上腦既一啲神經。
只要有死亡病毒留於體內，就會塞塞塞⋯⋯

所以當冠狀病毒入侵貓貓，而貓貓抗體細胞同FIP就會爆發出嚟。

我學識咗咩叫：兵敗如山倒。
我明白了，當貓貓真係食咩嘔咩既時候真係要放手了，否則人貓都辛苦。

我明白了，貓貓要上彩虹橋前唔好再做任何醫療，幫助拖多幾日命。佢地要回家，要返去佢最信任同最愛既人身邊。

曾經喺2013年尾，我叫兩位家長試完頭兩星期藥就放棄治療，好好咁陪佢就好了，令佢地無食藥壓力，無逼餵食既壓力。
佢地竟然由病發到死亡有5至6個月光陰陪伴家人⋯⋯

其實我以前都係俾貓貓食貓糧的，而家長亦唔會即時轉糧。
2013年中發現，喺貓舍生活到4-5個月大先被領養既貓係無試過有FIP的。

點解呢個統計會咁得意？
左思右想，應該係我加入咗自家製肉粉撈埋貓糧俾佢地食。
就算貓貓不愛鮮肉，都有足夠蛋白質同營養。

2013年年尾發現營養同呢個病既關聯性，強制要新領養既家長煮鮮肉或買肉粉撈貓糧後，我呢度同家長們再無通知過我有貓有呢個病了。

我成日同家長講，貓糧係100%營養不足的（呢一篇再講貓糧）。
你要貓貓健康，抵抗力強而有力，要貓貓既抗體勁，一定一定係食肉肉。
貓天生就係肉食動物啊，你會唔會喺動物園，見到會餵貓糧比啲豹呀獅子老虎？

以上結論只係我大膽假設，但數據係我呢4年嚟既統計。

到底FIP係正面迎擊定還是及早同貓貓打好基礎，兩條路我揀咗後者，我呢兩年嚟的確唔洗再正面打仗。