食邊隻貓糧好?

好多時候，領養家長都會問我領養貓貓平時食開咩貓糧？貓貓食邊隻貓糧好？

貓舍食用既係自家製貓糧：
 – 45%有油份的肉
 – 45%平時做肉粉，無油既肉
 – 10%總和既內臟、甘荀、蔬菜、蛋及少量其他海產，再打成碎粒

由於缺乏碳水化合物及澱粉質，所以我唔可以將自家製既糧壓制成糧粒。
而且無加口味，無防腐劑既貓糧, 需要開封3個月內用完。
貓貓味覺要非常淡口，無食開濃味東西先會肯食，要佢改呢個飲食習慣都唔係易事。
而且制作非常繁複，比肉粉更難制作。

貓糧邊隻好呢個問題呢⋯⋯
對我嚟講都真係⋯⋯通常我都會反問返家長：

假設批發價一隻2500G的雞係50蚊，你估300蚊包3000G貓糧內有幾多隻雞?
(2500G的雞做成糧有500G)
直接啲講，廠商都要廠房、機械、工人、運輸、船運、運輸、代理商、貨倉租、運輸、店舖租、人工等等等先會到你手上⋯⋯

咁包貓糧可以有幾多肉呢？貓係肉食科動物呀！

即係你想隻貓減少腎病、糖尿病同FIP既機會率，俾貓貓食多啲肉，整鮮鮮又撈下肉粉，咁就會食多咗肉，貓貓都健康好多。